1in.am-ը գրում է.
Վրաստանի գլխավոր դատախազ Օթար Պարցխալաձեն հատուկ հայտարարությամբ հերքել է ընդդիմադիր «Միացյալ ազգային շարժման» ներկայացուցիչների կողմից տարածած տեղեկատվությունն այն մասին, թե 13 տարի առաջ Գերմանիայում դատապարտվել է զինված կողոպուտի համար, հաղորդում է Gazeta.ru-ն:
Ինչևէ, նա խոստովանել է, որ 2000 թ. Գերմանիայում ոստիկանների հետ խնդիրներ է ունեցել: Նրա խոսքերով՝ իրավապահներն իրեն շփոթել են մեկ ուրիշի հետ և «ֆիզիկական վիրավորանք են հասցրել, որն էլ կոնֆլիկտի պատճառ է դարձել»:
«Դատարանը ինձ մեղադրել է իրավապահներին հակահարված տալու մեջ»,- բացատրել է գլխավոր դատախազը՝ ավելացնելով, որ իրեն Գերմանիայից չեն արտաքսել և ինքը բազմիցս կրկին այցելել է այդ երկիր:
Գլխավոր դատախազը համոզված է, որ հակառակորդները իր դեմ կեղտոտ քաղաքական արշավ են սկսել, որն էլ պայմանավորված է դատախազական գործունեության ակտիվությամբ:
Պարցխալաձեի դեմ հայտարարությունները դեկտեմբերի 23-ին հատուկ ճեպազրույցի ժամանակ արել է ժամանակավորապես պաշտոնից հեռացված՝ Թբիլիսիի քաղաքապետ Գեորգի Ուգուլավան:
