Խորհուրդներ գեղեցիկ լինելու համարՄի ամաչեք ձեր կառուցվածքից. այն, ինչ Աստված ձեզ տվել է, գեղեցիկ է: Իսկ դա նշանակում է, որ պետք է ընդգծեք դա: Կարևորը դա գրագետ և ճաշակով անելն է:

Գլխարկն ի վիճակի է կնոջը պատել այն խորհրդավորությամբ, որի կարիքը նա այդքան ունի:

Գեղեցիկ և որակյալ ներքնազգեստը կնոջ զգեստապահարանի կարևոր բաղկացուցիչ մասն է:  

Ձեր կերպարում պետք է ինչ-որ մի այնպիսի բան լինի, որ ձեր այցեքարտը կհամարվի: Ինչ-որ այնպիսի բան, որ կբացականչի ձեր մասին:

Ամուսնալուծությունների պատճառը հաճախ քարտուղարուհիների հետ նախաճաշն է, սակայն ավելի հաճախ` չխնամված կնոջ հետ նախաճաշը:

Դարչնագույնը վտանգավոր գույն է: Այդ գույնի հագուստ ընտրելիս նախապատվություն տվեք շոկոլադի ամենավառ երանգներին:

Եթե շատ տնտեսող եք, գնեք շատ թանկ իր. էժանագին բաներ մի գնեք:

Գնումների գնալիս մի տարեք ձեր սիրելիներին ու ամուսիններին: Տղամարդիկ չեն սիրում նման բաներ, և հավանականությունը, որ կգնեք այն, ինչ պետք չի, շատ մեծ է:

Ուգգիները ո՛չ գեղեցկություն են ավելացնում, ո՛չ կանացիություն, ո՛չ էլ առանձնակի հարմար են:

Վառ կանաչ գույնը շատ է սազում դարչնագույն կամ կանաչ մազերով թխահեր աղջիկներին:

Կիպ սպիտակ տաբատ կարող են կրել միայն աղջիկները, ովքեր սեփական ոտքերի հետ կապված բարդույթներ չունեն:

Road to nowhere †Եթե տնից դուրս եք եկել այնպիսի հագուստով, որ վստահ չեք, որ այն ձեզ սազում է, այնպիսի տեսք ընդունեք, որ մի վայրկյան անգամ չեք կասկածում, որ հագնվել եք նորաձևության վերջին ճիչով:

Աղերսում եմ բոլոր կանանց հրաժարվել կապրիներից, որովհետև այդ տաբատները ոչ միայն չեն գեղեցկացնում ձեր կազմվածքը, այլ նաև փչացնում են այն:

Վարդագույն փափուկ սպորտային համազգեստները նույնքան վատ սովորություն են, որքան թխվածքի անզուսպ խժռումը:

Ձեր ոճի մասին պետք է խոսեն, այն պետք է հետաքրքիր լինի. խուսափեք ձանձրույթից և միատեսակությունից:

Եթե հայելու մեջ նայելիս կինը ցանկանում է պարել, ապա նա հիասքանչ տեսք ունի:

Եթե ցանկանում եք, որ ձեր տղամարդը միշտ հիանա ձեզնով, ապա պետք է աշխատեք ձեր վրա: Տղամարդիկ գնահատում են գեղեցիկ և խնամված կանանց, իսկ այդպիսի կին լինելը մեծ, սակայն հաճելի աշխատանք է:

Էպատաժը հետաքրքիր է, եթե այն պրոֆեսիոնալ է: 

Ձեր ոճը պետք է օգնի ձեզ ապրել, նպատակների հասնել, լավ զգալ:

Շատ կանանց, ցավոք, իրենց հագուստը միայն մտահոգում է:

Կինը պետք է աշխատի. կարևոր չէ, թե ինչ: Նա կարող է և տնային տնտեսուհի լինել, սակայն դրան պրոֆեսիոնալի պես մոտենալ: Դա անհրաժեշտ է, որպեսզի կինն իրեն լիարժեք զգա: Ինչպես տնային տնտեսուհիները, այնպես էլ աշխատող կանայք պետք է խնամված տեսք ունենան: Եթե տանն եք՝ դա չի նշանակում, որ կարող եք կարկատաններով ու մաշված հագուստով լինել:

Եղունգների ագրեսիվ դիզայնը նորաձև չէ. այն տգեղ է:

Ցածր գոտկատեղով ջինսերը կարճեցնում են մարմինն ու մեծացնում կոնքերը:

Մազերի գույնը պետք է բնական լինի և ներդաշնակ հոնքերի գույնի հետ: 

Մորթյա ժիլետն արդեն մի սեզոն չէ, որ խելքահան է անում Եվրոպայի նորաձևության հետևողներին. այն իսկապես նորաձև է:

Մի վախեցեք փորձարկումներ անել վարսահարդարման հետ:

Որպես կանոն վառ դիմահարդարումը պաշտպանություն է շրջակա աշխարհից. դիմակ, որի տակ մարդ փորձում է թաքցնել իր իրական եսը:

Եթե երևացող տեղում դաջվածք ունեք, ապա պետք է հետևեք, որ հագուստը ճիշտ համադրված լինի դրա հետ:

Տղամարդիկ շատ են սիրում կարճ շրջազգեստով և բարձրակրունկ կոշիկներով կանանց, սակայն հենց ամուսնանում են նրանց հետ, որքան հնարավոր է երկարացնում են նրանց կիսաշրջազգեստներն ու կարճացնում են նրանց բարձրակրունկները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել