Esem.am-ը գրում է.
Սպարապետ Վազգեն Սարգսյանի եղբոր` Արմեն Սարգսյանի դստեր` Նոնայի հարսանյաց հանդեսին ESem.am-ն անդրադարձել է: Թեև Նոնան աստղերի շարքին չի դասվում, նրա մասին հրապարակումները միշտ արժանանում են հասարակության հետաքրքրությանն ու դրական արձագանքին: Թատերական ինստիտուտի ուսանողուհին օրերս ռեստորանային համալիրներից մեկում հավաքել էր ընտանիքի անդամներին, մոտ հարազատներին ու ընկերներին` տոնելու ծննդյան 22-րդ տարեդարձը:
Ամուսնացած կնոջ կարգավիճակում առաջին անգամ ծննդյան օրը նշող Նոնային առաջինը շնորհավորել են ամուսինը` Գրիգորն ու ծնողները, այնուհետև Գերմանիայում բնակվող մտերիմ ընկերուհին: «Առաջին անգամ էի Գրիգորի հետ նշում ծննդյանս օրը, ինչը շատ հաճելի էր: Նրանից ու ծնողներիցս բացի շատերն են շնորհավորել ինձ: Շատ հաճելի էր անկեղծ և յուրօրինակ բարեմաղթանքներ լսելը»,- նշեց Նոնան, ով հարսանիքից հետո տրամադրված չի եղել մեծ խնջույք կազմակերպել, այդ իսկ պատճառով երեկույթին ներկա են եղել միայն մտերիմ մարդիկ:
«Ես ուշադրություն չեմ դարձնում նվերներին, կարևորը վերաբերմունքն է: Գրիգորն ինձ ամեն օր է հետաքրքիր անակնկալներ մատուցում, իսկ ծնողներս իրենք են իմ նվերը,- ասաց Նոնան, ով շատ է սիրում ու կարևորում իր ծննդյան օրերը: -Հատկապես ծննդյանս օրվա գիշերն եմ սիրում, երբ տանը՝ ընտանիքիս անդամների հետ փչում եմ տորթի մոմերը: Ինձ համար առաջնայինն այն է, որ այդ օրը ոչ միայն ես ուրախ լինեմ, այլև իմ հյուրերը. ձևականություններ տանել չեմ կարողանում, սիրում եմ անկեղծ մարդկանց: Հիմա ուրախանալը դժվար է դարձել ու հնարավորության դեպքում պետք է լիաթոք զվարճանալ, թանկ մարդկանց միջավայրում: Կարծում եմ՝ միայն այդ դեպքում օրդ անմոռանալի կդառնա»:
Խոսելով առաջիկա տոներից՝ վերջինս հաղորդեց, որ դեռ չեն որոշել, թե ինչպես են նշելու Ամանորը, բայց մի բան հաստատ է` տանը չեն լինի: Երիտասարդ աղջիկը հավատում է Ամանորյա հրաշքին: Այս տարին էլ բացառություն չէ, անպայման Ձմեռ պապիկին նամակ է գրելու:) «Ես ավանդական հայկական տոների կողմնակից եմ, սիրում եմ, երբ մտերիմ հարազատները միմյանց հյուր են գնում, հավաքվում մեկ սեղանի շուրջ և շնորհավորում իրար: Իմ Ձմեռ պապիկները շատ են, այն միակից, որ Նոր տարվա հրաշքի մի մասն է, խնդրել եմ ամենակարևորը` առողջություն իմ ընտանքի անդամների համար»:
Նյութն ամբողջությամբ՝ այստեղ
