1in.am-ը գրում է.

Հունաստանի մայրաքաղաք Աթենքում արտասահմանցին, ով ենթադրաբար իրանցի է, ինքնահրկիզվել է` հաղորդում է ITAR-TASS-ը:

Ականատեսներից մեկի խոսքերով` տղամարդը, ով ամենայն հավանականությամբ անօրինական ներգաղթյալ է, իր վրա բենզին է լցրել և հրկիզել իրեն: Նրան հիվանդանոց են տեղափոխել, սակայն բժիշկներին չի հաջողվել փրկել տղամարդու կյանքը:

Արտառոց պատահարի վայրում հայտնաբերվել է դրամապանակ, որում եղել են փաստաթղթեր Իրանի քաղաքացու անունով: Ոստիկանությունն այժմ ստուգում է դրանց պատկանելությունը ինքնասպանություն գործած տղամարդուն: Սկսվել է հետաքննություն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել