1in.am-ը գրում է.

Թուրքիայի վարչապետ Ռեջեփ Թայիփ Էրդողանը «կեղտոտ ծուղակ» է համարել երկրում անցկացվող լայնամասշտաբ հակակոռուպցիոն օպերացիան, որի արդյունքում երեքշաբթի օրը ձերբակալվել է առնվազն 50 կասկածյալ:

Մամլո ասուլիսի ժամանակ վարչապետը հայտարարել է, որ այդ հետաքննությունը ունի քաղաքական դրդապատճառ և ուղղված է իր կառավարությանը վնաս հասցնելուն: Նա կատարվածը կապել է ամռանը տեղի ունեցած հակակառավարական ելույթների հետ:

«Այն ժամանակ, երբ մենք պայքարում ենք, որ 2023-ին Թուրքիան մտնի աշխարհի առաջատար երկրների տասնյակի մեջ, ոմանք ջանքեր են գործադրում այդ արագ աճը կասեցնելու համար»,- ասել է Էրդողանը: 

Նրա խոսքերով՝ նման մարդիկ գտնվում են արտասահմանում և երկրի ներսում ունեն հետևորդներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել