1in.am-ը գրում է.
Թոշակառուն, ով մրցույթում շահել էր արտասովոր մրցանակ՝ սիրո գիշեր մարմնավաճառների հետ, հանդիպումից մի քանի ժամ առաջ մահացել է: Այս մասին հայտնում է New York Daily News-ը:
Իլինոյսի բնակիչ հանդիսացող 86-ամյա Ջոնի Օրիսը մահացել էր թոռան հետ ռեստորանում ստեյք ըմբոշխնելիս: Դիահերձման պաշտոնական արդյունքները կհայտարարվեն մի քանի օրից: Ո´չ թոռը, ո´չ էլ դեպքի վայր ժամանած բժիշկները չեն կարողացել փրկել նրան:
Ջոնին այրիացել էր 11 տարի առաջ: Հոկտեմբերին նա որոշել էր մասնակցել թոշակառուների համար անցկացվող մրցույթին, որը կազմակերպել էր սկանդալային հռչակ ունեցող ռադիոհաղորդավար Հովարդ Ստերնը: Ի դեպ, պապի անունից հայտը ներկայացրել էր թոռը:
Այժմ մրցանակը պատկանում է հանգուցյալի թոռանը: Հայտնի է, որ տղամարդն արդեն օգտվել է հնարավորությունից, սակայն չի դիմել պապի ընտրած աղջիկների ծառայություններին: