1in.am-ը գրում է.
Նոյյան տապանը հաճախ է պատկերվում որպես ավանդական նավ, բայց նոր հետազոտությունները ցույց են տալիս, որ այն տարբերվում է հանրահայտ պատկերացումներից: Իրականում այն կլոր է եղել ու պատրաստվել է փայտից:
Իրվինգ Ֆինկելը պատմել է իր կատարած նորարարության մասին: Հանդիսանալով հիերոգլիֆների գաղտնազերծման մասնագետ՝ դոկտոր Ֆինկելը կարողացել է տեղեկություն հավաքել 3700-ամյա կավե սալիկի վերաբերյալ:
Հնագույն տեքստի թարգմանությունը լույս է սփռել այն իրադարձությունների վրա, որոնք հնագույն շրջանում տեղի են ունեցել Միջագետքում: Հենց այդ իրադարձությունների վրա են հիմնված Աստվածաշնչում նկարագրված իրադարձությունները:
Հնագույն բաբելոնյան տեքստը նկարագրում է տապանը, որպես կլոր՝ 67 մ տրամագծով և 6 մետր բարձրությամբ պատերով կառույց:
Համաձայն նոր տվյալների՝ տապանը երկու մակարդակ է ունեցել, որոնցից վերինը ծածկված է եղել տանիքով: Նավն ունեցել է բաժիններ, որոնցում տարբեր կենդանիներ են պահվել:
Տեքստի 60 տողերում նշվում է, որ նավի կառուցման համար օգտագործվել են պարաններ ու փայտ, որից հետո դրա վրա խեժ են քսել՝ անջրանցիկ դարձնելու համար: