1in.am-ը գրում է.
Համացանցը իր սովորական գլոբալ իմաստով կարող է անհետանալ արդեն 2014թ., իսկ դրան կփոխարինեն տասնյակ առանձին ազգային ցանցեր: Այս մասին տեղեկացվում է «Կասպերսկու լաբորատորիայի» փորձագետ Ալեքսանդր Գոստևի զեկույցում՝ գրում է CNews-ը:
Եթե մինչև վերջին ժամանակներս միացյալ համացանցից առանձնացել էր միայն Չինաստանը, ապա այժմ այդ ցանկությունն ունեն նաև մի շարք այլ պետություններ, այդ թվում նաև՝ Ռուսաստանը:
Շատ երկրներ արդեն ընդունել կամ պատրաստվում են ընդունել օտարերկրյա սերվերն օգտագործելն արգելող օրենքներ: Այդ միտումը հատկապես աճել է Էդվարդ Սնոուդենի բացահայտումներից հետո:
Այս միտումների զարգացման դեպքում մարդկությունը կարող է զրկվել միացյալ համացանցից, փոխարենը կգործեն մի քանի տասնյակ ազգային ցանցեր: Դրանից հետո կսահմանափակվեն ներքին ցանցերին օտարերկրյա մուտքերը:
Միացյալ համացանցից դուրս գալու ցանկություն են հայտնում ոչ միայն առանձին պետություններ, այլև ոչ համայնքները: Գոստևը առանձնացված ցանցերից է համարում կիբերհանցագործների կողմից ստեղծված «սեփական առանձին Darknet-ը»:
Մասնագետները կարծում են, որ եթե ազգային ցանցերը չկարողանան համագործակցել միմյանց հետ, ապա ստվերային Darknet-ը կդառնա միակ ցանցը: