1in.am-ը գրում է.

Մոլդովայի խորհրդարանը հինգշաբթի օրը երկրորդ ընթերցմամբ հաստատել է համաձայնագիրը, ըստ որի՝ նոր քրեակատարողական հիմնարկ կառուցելու նպատակով երկիրը 39 միլիոն եվրո վարկ կստանա: 

Համաձայնագիրը ստորագրվել է այս տարվա հոկտեմբերին: Միջոցները կտրամադրվեն ԵՄ Զարգացման բանկի կողմից, հաղորդում է VSE.md-ն:

Նոր բանտը (պատգամավորներն այն կատակով «հինգաստղանի հյուրանոց» են անվանում) կկառուցվի Քիշնևում: Դրա մոտավոր արժեքը 44 միլիոն եվրո է: 5 միլիոն եվրոն պետությունը կտրամադրի: 

Արդարադատության փոխնախարար Նիկոլաե Եշանուն, ով ներկայացրել է նախագիծը, չի կարողացել նշել, թե կոնկրետ որ աղբյուրներից է պետությունը պատրաստվում մարել վերցրած վարկը: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել