1in.am-ը գրում է.

ԱՄՆ 41-րդ նախագահ Ջորջ Բուշ ավագը, ով հունիսի 12-ին դարձել է 89 տարեկան, օգտահաշիվ է բացել Twitter միկրոբլոգների ցանցում: Այս մասին հայտնում է RIA Novosti-ն:

Առաջին հաղորդագրությունը, որն ամերիկացի նախկին առաջնորդը թողել է սոցցանցում, վերաբերել է ՀԱՀ նախկին նախագահ Նելսոն Մանդելայի հոգեհանգստին:

«Ափսոս, որ Բարբարան և ես չկարողացանք այսօր միանալ ԱՄՆ պատվիրակությանն ու հարգել Մանդելայի հիշատակը: Նա և նրա հայրենակիցները մեր աղոթքներում են»,- գրել է Բուշ ավագը:

Օգտահաշվի բացման առաջին երկու ժամերին դրա բաժանորդների թիվը գերազանցել է 10 հազարը:

Ավելի վաղ նախկին նախագահի ներկայացուցիչը հայտնել էր, որ նա ՀԱՀ չի ուղևորվի առողջական վիճակի պատճառով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել