10 88 մետր բարձրությամբ Դաի Քաննոն արձանը գտնվում է Ճապոնիայի Հոկայդո քաղաքում
Այս արձանն ավելի բարձր է, քան Ազատության արձանը: Դաի Քաննոնի այս արձանը գտնվում է Հոկայդոյում` Ճապոնիայի երկրորդ ամենամեծ կղզում:
9 Թայլանդի Մեծ Բուդդան 92 մետրանոց արձանը գտնվում է Անգ Թոնգում
Թեպետ այս արձանն այս ցուցակի ընդամենը իններորդ հորիզոնականում է հայտնվել` այն աշխարհի ամենավիթխարի արձանների թվին է պատկանում: Սա Թայլանդի ամենամեծ արձանն է: Երկարությունը կազմում է 92 մետր, իսկ լայնությունը` 60.96 մետր: Այն պատված է ոսկեգույն ներկով և դիտողին թվում է, թե արձանն ամբողջությամբ ոսկուց է:
8 Պետրոս I-ի 96 մետրանոց արձանը տեղադրված է Մոսկվայում, Ռուսաստան
Ռուսաստանում գտնվող այս արձանը պատկերում է Պետրոս I-ին, ով 1600-ականների վերջերին Ռուսաստանի ցարն էր: Այս արձանը կառուցվել է 1997 թ.-ին:
7 Քիանշու Քիանյան Գուանյին 99 մետրանոց արձանը` Չինաստանի Վեյշան շրջանում
Այս բրոնզե արձանը Չինաստանում մեծությամբ չորրորդն է: Արձանի կառուցումը կապված էր բավականին մեծ ծախսերի հետ: Արձանը պատկերում է Քուանշոու Քիանյան Գուանյինին, ով հայտնի է նաև «Հազարավոր աչքեր ու ձեռքեր» անունով: Չնայած այդ անվանը` արձանն իրականում միայն 24 ձեռք ունի:
6 Սենդայ Դայքանոնի մոտ 100 մետրանոց արձանը Սենդայում, Ճապոնիա
1991 թ.-ին կառուցված այս գեղեցիկ արձանը գրավում է ինչպես տեղացիների, այնպես էլ զբոսաշրջիկների ուշադրությունը:
5 Չինաստանի Հենան շրջանում տեղադրված Յան և Հուան կայսրերի 106 մետրանոց արձանը
Այս արձանը քանդակված է լեռան մեջ: Արձանի կառուցման համար պահանջվեց մոտ 20 տարի: Այն վերջնական տեսքի բերվեց 2007 թ.-ին: Արձանը կառուցվել է Չինաստանի երկու կայսրերի պատվին:
4 Նանշան Հայշանգ Գուանյին 107.8 մետրանոց արձանը գտնվում է Հայնանում, Չինաստան
Այս արձանի կառուցումն ավարտվել է 2005 թ.-ին: Կառուցմանը մասնակցել են մի խումբ վանականներ: Այն իր բարձրությամբ առանձնապես շատ չի զիջում աշխարհի ամենաբարձր արձանին: Արձանը եռակողմ է: Մի կողմն ուղղված է դեպի ցամաքը, իսկ մյուս երկուսը` դեպի ծովը: Սա Գուանյինին պատկերող ամենաբարձր արձանն է:
3 Ուսիկու Դայբուցու 109.7 մետր բարձրությամբ արձանը Ուսիկուում, Ճապոնիա
Այս արձանի կառուցման աշխատանքներն ավարտին հասցվեցին 1993 թ.-ին: Այն կշռում է մոտ 4000 տոննա: Արձանի ներսում չորսհարկանի թանգարան է, որը նվիրված է Սինրանին` բուդդայականության «Անաղարտ հողի դպրոցի» հիմնադրին:
2 Լայքյուն Սեթքյար 116.1 մետր բարձրությամբ արձանը գտնվում է Մոնյուայում, Մյանմա
Բուդդայի պատվին կառուցված այս արձանը մեծությամբ երկրորդն է ողջ աշխարհում: Դրա կառուցման համար պահանջվել է 12 տարի: Այն ավարտուն տեսքի է բերվել 2008 թ.-ին: Դժբախտաբար, արձանի հեղինակ Աբբոթ վեն Նարադան արձանի կառուցման ավարտից երկու տարի առաջ մահացավ:
1 128 մետր բարձրությամբ Սփրինգ Թեմփլ Բուդդա արձանը գտնվում է Հենանում, Չինաստան
Ահա աշխարհի ամենավիթխարի արձանը: Այն մոտ 12.1 մետրով բարձր է նախորդից: Նրա անունը թարգմանաբար նշանակում է Գարնանային տաճարի Բուդդան: Այս բրոնզաձույլ արձանն իսկական գլուխգործոց է: Այն կշռում է մոտ 1000 տոննա:
