Տղամարդուն գրավելն այդքան էլ բարդ բան չէ, եթե հարցին մոտենաս ճիշտ կողմից: Խոսենք այն մասին, թե ինչի մասին են մոռանում աղջիկները` երազելով գրավել տղամարդուն:
1. Տղամարդը սիրում է, երբ կինը լավ տրամադրություն ունի: Աշխատեք միշտ լինել ուրախ և ժպտացող: Հենց նման վառ ու պայծառ աղջիկների մոտ է ձգտում տղամարդու հոգին: Բայց պետք չի անդադար ծիծաղել, քանի որ դա կարող է ոչ միանշանակ զգացումներ առաջացնել տղամարդու մոտ:
2. Աշխատեք տղամարդու վզին չփաթաթել ձեր խնդիրները: Տղամարդիկ սիրում են իրենց կարևոր զգալ: Նրանք կաջակցեն ձեզ ու կփորձեն լուծել ձեր խնդիրները, բայց եթե դա մշտական բնույթ կկրի, նա կդադարի լսել ձեր անհանգստությունների մասին: Հիշեք չափի զգացման մասին: Եղեք որքան հնարավոր է անհոգ, որովհետև տղամարդիկ նյարդայնանում են մշտական նվնվոցից և բողոքներից:
3. Օգտագործեք դեպի կատարելություն նրա ձգտումը: Անգամ եթե նա խանութի սովորական մենեջեր է, ձեզ համար նա պետք է թագավոր լինի` աշխարհի ամենակարևոր տղամարդը: Անընդհատ նշեք նրա առավելությունները և գովեք նրան:
4. Եղեք խնամված: Բոլոր աղջիկներին չի տրված բնությունից ուղիղ դիմագծեր և նրբագեղ կառուցվածք: Բայց սպորտով զբաղվելը, գեղեցկության սրահ հաճախելը, տնային սովորական պրոցեդուրաները հրաշքներ կգործեն: Պարզապես ժամանակ հատկացրեք ինքներդ ձեզ:
5. Նրանից խորհուրդ հարցրեք: Տղամարդիկ սիրում են ցուցումներ տալ և բացատրել ինչ-որ բաներ: Դա կրկին անգամ ընդգծում է նրա առավելությունը: Բայց մի փորձեք նրա աչքերում հիմարիկ երևալ:
6. Կոկետություն արեք: Օգտագործեք ձեր հմայքը: Շատ մի խոսեք, բայց սովորեք պահել զրույցը: Ընդհանուր հետաքրքրությունները ևս միացնում են մարդկանց: Սովորեք գեղեցիկ քայլել և ուղիղ նստել: Սիրախաղ արեք, բայց չափը մի անցեք:
7. Եղեք բնական: Տղամարդիկ միանգամից զգում են արհեստականությունը:
