Հռոմի պապը դարձել է երեխաների համար նախատեսված կոմիքսների հերոս

1in.am-ը գրում է.

Իտալիայում թողարկել են կոմիքսների շարք, որոնց հերոսը Հռոմի պապ Ֆրանցիսկոսն է: Կոմիքսները նախատեսված են ամենափոքր երեխաների համար, որոնք նոր են ծանոթանում քրիստոնեության հիմունքներին, հայտնում է ITAR-TASS-ը:

Փոքրիկ գրքերում Պապը երեխաներին բացատրում է Աստվածաշնչի պատմությունները: Գրքերը համալրված են գունավոր մատիտներով՝ ներկելու համար, և թեմատիկ կպչուն պիտակներով:

Ըստ հետազոտողների՝ լավ կոմիքսները կարող են կարևորագույն դաստիարակչական գործառույթ ունենալ: Ուստի Աստվածաշունչը կոմիքսի տեսքով կարող է օգտակար և հետաքրքիր լինել նույնիսկ ամենափոքր երեխաների համար: