Ամենաշատը երկու բան չեմ սիրում. սպասել ու հրաժեշտ տալ : Սպասողական վիճակը կարող է սպանել մարդուն . երբ ոչինչ քո ձեռքերում չէ, դու չես կարող  որոշել, փոփոխել : Դու պետք է սպասես : Սպասես ու վերջ :  

Հրաժեշտ տալն էլ  սպասման նման անորոշ, ոչ մի հստակ բան չասող , զզվելի վիճակ է  :
Այսօր ես ու բլոգս ժամանակավոր  կբաժանվենք : Ու բլոգիս հետ միասին կմնան ընթերցողներս,  նրանց հետ ակտիվ շփումն ու մեկնաբանությունները :
Երբեմն ինչ-որ բանի հասնելու համար պետք է դուրս գալ հարմարավետության գոտուց, անել այն, ինչ չես ուզում անել :  Եթե պետք է , ուրեմն պետք է  :
Ես կվերադառնամ մոտ մեկ ամսից :  Կգամ ու  կլրացնեմ այն դատարկությունը, որը  իմ գնալուց հետո այստեղ կծնվի : 
Ես չեմ լքում իմ ընթերցողներին, ես չեմ լքում իմ բլոգը : Ես ուղղակի  ինչ-որ ժամանակով գնում եմ  : Ինչպես  ''Дом Солнца'' ֆիլմում Գերդան է ասում  իմ շա՜տ սիրելի կերպար Солнце-ի մասին ՝  Он ушел, а не бросил. А это две разные вещи.
Ես գնում եմ, բայց չեմ լքում :  Նման բան չի կարող լինել))))
Ուղղակի մոտ մեկ ամիս նոր գրառումներ չեն լինի : Ֆեյսբուքյան ՛՛լայք՛՛ էջը ավելի պասիվ կլինի : 
Բլոգումս բավականին նյութ կա հավաքված .հիմա կարելի է դրանք վերընթերցել, միգուցե փորփրելիս լավ ու հետաքրքիր գրառումներ գտնեք ))))
Իսկ ես կգնամ գնացքի ճանապարհով))) Կքայլեմ ռելսերով ու միշտ կիմանամ, որ   ճիշտ ուղով եմ գնում , գնացքի ռելսերն ինձ ետ են բերելու բլոգիս մոտ, ճանապարհս չեմ կորցնի :
Գրողը տանի ,  ես չեմ գնում մեռնելու )))) Ուղղակի իրական կյանքում կան սխալներ, որոնք ուղղել է  պետք : Արագ կուղղեմ  ու կվերադառնամ :
Խոստանում եմ, որ կվերադառնամ նոր  նյութերի ահռելի պաշարով : Այս ժամանակահատվածում էլի աշխատելու եմ . թեմաներ կառանձնացնեմ, հետաքրքիր նյութեր կհավաքեմ, գլխումս նոր հերոսներ կծնվեն, նոր բնավորություններ կստեղծեմ :  
Շնչելու համար ինձ  երկու բան է հարկավոր ՝  դասական ռոք ու անընդհատ ստեղծագործել))) Առանց այս երկուսի ես ուղղակի գոյությունս չեմ պատկերացնում :
Բլոգումս նոր գրառումներ չեն լինի, բայց ես անընդհատ աշխատելու եմ, խոստանում եմ : Նոր նյութերը  տեղ կգտնեն բլոգումս մեկ ամսից :   
Իսկ մինչ այդ  ձեզ մնում է սպասել Սյունե Սևադային, ով ռելսերով ճամփա է ընկել : Գնում է, որ շուտ վերադառնա  : Վերադառնա թարմացած, նորովի : Էլի լինի ակտիվ, էլի ձեզ հետ բլբլա ու փիլիսոփայի : Էլի սխալվի, զայրանա , մեկ-մեկ ավել-պակաս խոսի ... Մի խոսքով՝ իսկական մարդ ու ամենաիսկական Սյունե Սևադա լինի :
Ես չեմ լքում ձեզ ու իմ բլոգը : Ես ուղղակի գնում եմ : Գնում եմ գնացքի ռելսերով :  Դա նշանակում է՝  անպայման  վերադառնալու  եմ : Շուտով կհանդիպենք  ու... ես կկարոտեմ ձեզ )))) 
Այս հրաշք երաժշտությունն էլ թող խոսքերիս շարունակությունը լինի : Թող ասի այն, ինչ ես չասացի : Շուտով կհանդիպենք . չէ՞ որ ռելսերը չեն թողնի, որ սխալ ուղով գնամ կամ էլ թե կորցնեմ ճանապարհս : 
Առայժմ)))
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել