Ամենագլխավոր կանոնը` գնումների գնալ միայն բարձր տրամադրությամբ:
Նորություն չէ, որ տնտեսելու լավագույն միջոցը գնումների գնալն է զեղչերի ժամանակ: Ընտրությունն իհարկե ավելի փոքր է, բայց գները մի քանի անգամ ցածր են:
Մի գնիր գանձարկղի մոտ դրված մանր-մունր ապրանքները: Դրանց գինն ամենացածրն է, և քեզ կթվա, թե այդ գնումը չի վնասի քո դրամապանակին, բայց գնածդ իրերի մեծ մասը չես էլ օգտագործելու:
Երբ որևէ բան ընտրես, խնդրիր վաճառողին բերել նույնը պահեստից. այդպես վստահ կլինես, որ քեզնից առաջ ոչ մեկը չի փորձել հագուստը:
Եթե իրը, որ պատրաստվում ես գնել, վերջինն է, ուշադրություն դարձրու, որ այն թերություններ չունենա:
Եթե ոչինչ քեզ չի ոգևորում, պետք չի ինչ-որ բան գնել միայն գնելու համար:
«Մուշտակ գնիր ամռանը, զգեստ` ձմռանը». սա գնումների սիրահարների նոր կարգախոսն է: Եվ դա իսկապես այդպես է` հակառակ սեզոնին հագուստը մի քանի անգամ ավելի մատչելի է:
Գնումների ավելի լավ է գնալ հարմար հագուստով` զգեստով, եթե փորձելու ես կոշիկ և ջինսով, եթե փորձելու ես բլուզներ: Հագիր այնպիսի կոշիկ, որ հեշտ է հանվում: Եվ մի ծանրաբեռնիր պայուսակդ, որպեսզի այն բեռ չդառնա քեզ համար:
Գնումներից առաջ մի մոռացիր քեզ կարգի բերել և դիմահարդարվել. այդ դեպքում կկարողանաս ադեկվատ գնահատել նոր հագուստը:
Եթե ինչ-որ իր տեսնելիս շունչդ կանգ է առնում ոգևորվածությունից, ապա առանց մտածելու գնիր այն:
Գնումների ժամանակ անհագ ցանկություն է առաջանում փոխել ոճը: Բայց մի կորցրու քեզ, այլ մտածիր` արդյո՞ք կարող ես քեզ դա թույլ տալ:
Պետք չի գնել այնպիսի բան, որ պետք է ձևափոխել. եթե վստահ չես, որ ինքդ դա չես կարողանալու անել, ապա մի գնիր այն:
