1in.am-ը գրում է.

Գերմանիայում Amazon օնլայն-ռիթեյլերի տեղական ստորաբաժանման աշխատակիցները գործադուլ են հայտարարել՝ պահանջելով բարձրացնել աշխատավարձը, հայտնում է ITAR-TASS-ը: 

Ինչպես հայտնել է ծառայությունների ոլորտի Verdi արհմիությունը, Բադ-Հերսվելդե քաղաքում առավոտյան գործադուլին մասնակցել է ընկերության լոգիստիկ կենտրոնի 150 աշխատակից: 

Նույնքան աշխատակից թողել են իրենց աշխատանքային տեղերը Լայպցիգի ընկերության պահեստում: Գործադուլը կտևի ամբողջ օրը: 

Արհմիության ներկայացուցչի խոսքով՝ եթե գործատուները չցանկանան ընդառաջել աշխատակիցներին, տեղի կունենան բողոքի նոր ակցիաներ:

Գերմանիայում Amazon-ի ստորաբաժանումում աշխատում է մոտ 9 հազար մարդ: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել