Երգիչ, դերասան, հաղորդավար Արսեն Գրիգորյանը արդեն մի քանի ամիս է, ինչ չի երևում էկրաններին և չի էլ խաղում ներկայացումներում: Լուրեր էին տարածվել, որ երգիչը երկրում չէ:
Այս և այլ հարցերի պատասխանները ArmStar.am - ը ճշտեց՝ զրուցելով դերասանի հետ :
Ու՞ր է կորել դերասան Արսեն Գրիգորյանը
Չեմ կորել, ուղղակի այժմ գտնվում եմ Նյու Յորքում և մասնակցում եմ Anthony Meindls Actor Workshop դերասանական վերապատրաստման դասընթացներին, որն ավարտելուն պես կվերադառնամ Հայաստան:
Ստացել ես մասնագիտական կրթություն Երևանում և այժմ էլ մասնակցում եսարտասահմանյան դասընթացի, հետաքրքիր է՝ ինչպիսի՞նն են արտասահմանյանգիտելիքները
Երևանում ստացած կրթությունս ֆունդամենտալ է, ինչի համար շատ ուրախ եմ, որովհետև հիմնային գիտելիքներ եմ ձեռք բերել ու լավ դպրոց եմ անցել: Քանի որ դերասանի աշխատանքը անընդհատ է, և այն, ինչ գիտեմ հաստատելու և թարմացնելու նպատակով ամերիկյան դպրոցն եմ ուսումնասիրում, որն իմ պարագայում նաև օգնում է ինձ լեզվական բարիերը հաղթահարել :
Շփվու՞մ ես այլազգի դերասանների հետ. ո՞րն է հայ և օտարերկրյա դերասաններիտարբերությունը
Շփվում եմ նրանց հետ, և մենք միասին տարբեր տեսարաններ ենք փորձում պիեսներից, ինչը շատ հետաքրքիր գործընթաց է : Առանձնահատուկ տարբերություն չեմ կարող ընդգծել, քանի որ մասնագիտությունը այնպիսին է, որ, անկախ ազգությունից, բոլորը ընդհանրություններ ունեն, և դա ստեղծագործելու ու արարելու հատկությունն է :
Ե՞րբ կվերադառնաս հայրենիք
Հայաստան կվերադառնամ դեկտեմբերի վերջին:
Շարունակությունը՝ այստեղ