Համեստ տվյալներ ունեցող կանանց խորհուրդ ենք տալիս չհուսահատվել, չէ՞ որ բազմաթիվ միջոցներ կան տեսողականորեն մեծացնելու համար կուրծքը:
Մանր պրինտ
Միջոցներից մեկն է մանր ծաղկային նախշերով բլուզներ և զգեստներ կրելը: Հիմնականում փոքր կրծքով կանայք ունենում են եռանկյունաձև կառուցվածք, այսինքն`ներքևը մի-փոքր ավելի ծանր է վերևից: Դա շտկելու համար նախընտրություն տվեք մանր պրինտով բլուզներին, որոնք կարող եք համադրել միատոն տաբատների և կիսաշրջազգեստների հետ:
Գծեր
Եթե համադրեք հորիզոնական բազմագույն գծերով ջեմպերը մուգ տաբատի կամ կիսաշրջազգեստի հետ, ապա կուրծքն ավելի մեծ կերևա:
Դետալներ
Ցանկացած խոշոր դետալ կրծքի վրա կարող է այն ավելի մեծ դարձնել:
Ծալաբոլորքներ
Նրբագեղ ծալաբոլորքները ծավալ կհաղորդեն կրծքին, միայն թե պետք չի ընտրել հսկայական չափսեր:
Նրբագեղ զարդեր
Կուրծքը տեսողականորեն կարող են մեծացնել նաև զարդերը: Որպեսզի կուրծքն ավելի մեծ երևա, կրեք բարակ վզնոցներ` նուրբ զարդերի ֆոնին կուրծքն ավելի մեծ է երևում:
Ընդարձակ շարֆ
Սա ևս մեկ միջոց է կուրծքը տեսողականորեն մեծ ցույց տալու համար:
Լայն գոտի
Լայն գոտին, հատկապես լայն կիսաշրջազգեստի հետ, կարող է «ավազե ժամացույցի» հիանալի սիլուետ կերտել և տեսողականորեն մեծացնել կուրծքը:
Վառ գույներ
Մուգ գույները տեսողականորեն փոքրացնում են կառուցվածքը, ուստի եթե ցանկանում եք, որ կուրծքն ավելի մեծ երևա, ընտրեք վառ և լուսավոր գույներ:
