1in.am-ը գրում է.

Գնորդների հոսքը այսօր փակել էր Լոնդոնի Չելսի շրջանում գտնվող բրիտանական Կարմիր խաչի բարեգործական խանութի դիմացի փողոցը, որտեղ ստացվել էր հայտնի բրիտանական Բեքհեմ զույգի անձնական իրերով 20 արկղ: Ստացված գումարներն ուղղվելու են Ֆիլիպիններում մեծ ավերածություններ գործած «Հայան» փոթորկից տուժածներին՝ հայտնում է ITAR-TASS-ը: 

Երեկ խանութը փակվել էր 4 ժամ շուտ, որպեսզի աշխատակիցները կարողանային դասավորել Դևիդի ու Վիկտորյայի հագուստներն ու կոշիկը: 

Այսօր սկսվել է վաճառքի աժիոտաժը՝ բազմաթիվ մարդիկ փորձել են զույգին պատկանող իրերը ձեռք բերել մատչելի գներով: 

Վաճառքի են դրվել նաև հագուստներ այնպիսի հայտնի նորաձևության տներից, ինչպիսիք են՝ Dolce & Gabbana-ն, Roberto Cavalli-ը, Tom Ford-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել