1in.am-ը գրում է.
2012թ. հուլիսին Կոլորադոյի Ավրորա քաղաքի կինոթատրոնի այցելուներին գնդակահարած Ջեյմս Հոլմսի դեմ դատը անորոշ ժամանակով հետաձգվել է: Նման որոշում է կայացրել դատավոր Կարլոս Սեյմուրը՝ հայտնում է ITAR-TASS-ը:
Դատական գործընթացը նշանակված էր 2014թ. փետրվարին: Դատը հետաձգելու պատճառն այն է, որ դատախազների պնդմամբ՝ մեղադրյալը մեկ անգամ ևս պետք է անցնի հոգեբուժական փորձաքննություն:
Հոլմսին, որի գործողությունների հետևանքով զոհվել էր 12 մարդ, ու ևս 70-ը վիրավորվել էին, ներկայացվելէր 166 կետով մեղադրանք՝ ներառյալ սպանություն և առևանգում՝ սպանության նպատակով:
Նա հայտարարել է, որ գտնվել է անմեղսունակ վիճակում, այդ իսկ պատճառով էլ իրեն մեղավոր չի համարում:
Անգամ եթե տղամարդը անմեղսունակ ճանաչվի, ամեն դեպքում կքննվի նրա մեղավորության հարցը: Սակայն այդ դեպքում դատախազներին դժվար կլինի ապացուցել, որ նա մեղավոր է ու պետք է մահապատժի ենթարկվի:
Եթե երդվյալ ատենակալները Հոլմսին անմեղ ճանաչեն անմեղսունակության պատճառով, ապա նրան կուղարկեն հոգեբուժարան: