Եվ թող ասեն, որ կանայք հագնվում են բացառապես իրենց համար, մենք հո գիտենք, որ առաջին հերթին մենք ցանկանում ենք գեղեցիկ ու ոճային երևալ տղամարդկանց աչքին: Մենք կարդում ենք սնդուսափայլ ամսագրեր, աշխատում ենք համապատասխանեցնել մեր զգեստապահարանը նորաձևության միտումներին, դիզայներներն էլ ձեռքերը ծալած չեն նստում և ամեն սեզոն մեզ են առաջարկում ուլտրանորաձև իրեր: Ամերիկյան ամսագրերից մեկը փորձել է պարզել, թե ինչն է տղամարդկանց վանում կանանց զգեստապահարանում: Ստացվել է հետևյալ հետաքրքիր պատկերը:
Լայն ուսերով ժակետներ
Կար ժամանակ, որ մեզ թվում էր, թե 80-ականներին այդքան հայտնի ժակետներն էլ երբեք չենք կրի, բայց դիզայներն արդեն որ սեզոնն է մեզ են առաջարկում բազմապիսի ժակետներ` հենց լայն ուսերով: Մինչդեռ տղամարդկանց կարծիքով այս ժակետներն անգամ ամենանրբագեղ կնոջը դարձնում են հսկայական սար:
Ընդարձակ գլխարկներ
Եթե նախկինում նման գլխարկների մասին մենք հիշում էինք միայն լողափ գնալիս, ապա հիմա դրանք դարձել են մեր առօրյա կերպարի մի մասը: Տարբեր դիզայներներ էլ աշնանային իրենց հավաքածուներում ներառել են այս աքսեսուարը: Բայց տղամարդկանց կարծիքով կանայք նման գլխարկներով շատ հնաոճ տեսք ունեն:
Բերետանման գլխարկեր
Այստեղ, թերևս, պետք է համաձայնենք տղամարդկանց հետ: Նման գլխարկները տեղին են միայն R`n`B կատարողների գլխին, այնպես չէ՞:
Բարձրակրունկ սպորտային կոշիկներ
Դիզայներ Իզաբել Մարանն առաջինը եղավ, որ կանանց նման կոշիկներ առաջարկեց, վերջիններս էլ, կորցնելով իրենց գլուխը, մեկը մյուսի հետևից համալրեցին իրենց զգետապահարանը նման կոշիկներով: Թե ինչու տղամարդիկ չեն հավանում այս կոշիկները, այդպես էլ պարզ չի...
Լեգինսներ
Երբեմն միայն աէրոբիկայի համար նախատեսված լեգինսներն այսօր փրկության օղակ են մեզ համար: Դրանք կարելի է կրել զգեստների, կիսաշրջազգեստների և երկար ջեմպերների հետ: Իսկ տղամարդիկ համարում են, որ չի կարելի տաբատները փոխարինել լեգինսներով:
Բարձր գոտկատեղով տաբատներ
Տղամարդկանց կարծիքով նման տաբատները քչերին են սազում. նման իրերի համար նրբագեղ կառուցվածք է պետք:
Բարձր գոտկատեղով կիսաշրջազգեստներ
Նույնը կարելի է ասել սրանց մասին:
Ընդարձակ ջեմպերներ
Դրանք գեղեցիկ են նայվում թե նեղ ջինսերով, թե կարճ կիսաշրջազգեստներով և շատ ունիվերսալ են: Իսկ ահա տղամարդիկ այլ կարծիքի են: Նրանց կարծիքով նման հագուստը սազում է միայն որսորդներին և ձկնորսներին:
Տաբատով կոստյում
Մեծն Իվ Սեն Լորանը, առաջարկելով կանանց տաբատով կոստյում կրել, երևի չէր ենթադրում, որ XXI դարի տղամարդկանց դեմ կլինեն դրան: Նրանց կարծիքով կինը պետք է կին լինի, իսկ տաբատով կոստյումը բացառապես տղամարդկանց համար է:
Չափազանց բարձրակրունկ կոշիկներ
Կանայք միշտ էլ նախընտրություն են տվել բարձրակրունկ կոշիկներին. չէ՞ որ դրանցով ոտքերն ավել երկար են թվում, իսկ կառուցվածքը` ավելի սլացիկ: Իսկ տղամարդկանց կարծիքով բարձրակրունկ կոշիկներով կանայք նման են հարբած ընձուղտների:
Բասկայով կիսաշրջազգեստներ և զգեստներ
Վերջին տարիների գլխավոր միտումը հայտնվել է ոչ միայն մեր, այլև աստղերի զգեստապահարաններում: Իսկ ահա տղամարդիկ համարում են, որ նման դետալով կանայք նման են հղիների և հիմար տեսք ունեն:
Բանտով աքսեսուարներ
Տղամարդիկ համարում են, որ բանտով աքսեսուարները կարող են կրել միայն մինչև հինգ տարեկան փոքրիկ աղջիկները:
Սուր քթով կոշիկներ
Կանանց թվում է, որ նման կոշիկները տեսողականորեն երկարացնում են ոտքերը, իսկ ահա տղամարդկանց այդ կարծիքին չեն:
