1in.am-ը գրում է.
Կանայք, ովքեր երեք տարուց ավել հակաբեղմնավորիչ հաբեր են օգտագործում, երկու անգամ ավելի շատ են աչքերի հիվանդությամբ տառապում, ինչն էլ կարող է կուրություն առաջացնել:
Ուսումնասիրությունը ցույց է տվել, որ հակաբեղմնավորիչ հաբեր օգտագործող կանայք գլաուկոմայի առաջացման հակում ունեն:
Միայն Անգլիայում ավելի քան 480 հազար մարդ է տառապում գլաուկոմայի տարածված ձևով, որը ավելի շատ հանդիպում է սպիտակամորթ եվրոպացիների մոտ:
Գիտնականները գինեկոլոգներին և ակնաբույժներին կոչ են անում կանանց զուշացնել հակաբեղմնավորիչ հաբերի հակացուցումների մասին: Գլաուկոմայի պատճառով առաջացած աչքի վնասվածքներն անբուժելի են, սակայն ժամանակակից բժշկությունը կարող է ժամանակին կանգնեցնել հիվանդության զարգացումը:
40 տարեկանից բարձր տարիք ունեցող 50 սպիտակամորթ եվրոպացիներից մեկը գլաուկոմայով է տառապում: Իսկ 75 տարեկան մարդկանց մոտ այդ ցուցանիշը մեկ տասներորդի է հավասար, հաղորդում է Mail Online-ը: