1in.am-ը գրում է.

Լիբանանի մայրաքաղաք Բեյրութի ուղղությամբ արձակվել է առնվազն երկու հրթիռ, որոնցից մեկն ընկել է Իրանի դիվանագիտական ներկայացուցչության շենքի վրա: Այս մասին հաղորդում է Reuters գործակալությունը՝ վկայակոչելով երկրի անվտանգության ծառայության իր աղբյուրին:

RIA Novosti-ն իր հերթին հայտնում է, որ կարճատև ընդմիջումներով երկու ականապատ ավտոմեքենա է պայթեցվել, ինչի հետևանքով զոհվել է առնվազն 10 մարդ: 

Շտապօգնության ավտոմեքենաները շարժվում են դեպի իրանական դեսպանատուն: Քաղաքի հարավում երթևեկությունը փակ է: Դեպքի վայրում այրվում են մի քանի ավտոմեքենաներ, խանութների և շինությունների ապակիները կոտրվել են, փողոցներ են դուրս եկել տասնյակ մարդիկ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել