1in.am-ը գրում է.

«Ռոմա»-ի կիսապաշտպան Ֆրանչեսկո Տոտտին չի պատրաստվում վերադառնալ Իտալիայի հավաքական: Այդ մասին հայտարարել է «Սկուադրա աձուրա»-ի գլխավոր մարզիչ Չեզարե Պրանդելին:

«Գայլեր»-ի ավագն Իտալիայի հավաքականում հանդես չի գալիս 2006 թվականից, երբ վերջիններս դարձան աշխարհի չեմպիոն:

«Նա անհավանական տաղանդ ունի: Ամեն դեպքում, եկեք չխոսենք Տոտտիի՝ հավաքական վերադառնալու մասին: Նախորդ անգամ երբ նման խոսակցություն եղավ, նա վնասվածք ստացավ:

Եվ պետք չէ մոռանալ, որ Տոտտին ինքն է որոշել այլևս հանդես չգալ Իտալիայի հավաքականում»,- Պրանդելիի խոսքերը մեջբերում է Goal.com-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել