1in.am-ը գրում է.
Բելգիայի տնտեսությանն ավտոմոբիլային խցանումների հասցրած կորուստները կազմում են տարեկան 8 մլրդ եվրո, ինչը համապատասխանում է թագավորության ՀՆԱ-ի 2 %-ին:
Այս մասին ասվում է Տնտեսական համագործակցության ու զարգացման կազմակեպության (ՏՀԶԿ) վիճակագրական զեկույցում, որը հրապարակվել է Բելգիայի մայաքաղաքում:
Նման մեծ թիվ ստացվել է ՏՀԶԿ-ի հետազոտությունների արդյունքում, երբ վերջինս փորձել է գնահատել խցանումների հետևանքները տնտեսության վրա՝ վառելիքի ծախսեր, ՃՏՊ-ներ, օդի աղտոտվածություն, որի հետևանքով ավելանում են մարդկանց հիվանդացության, աշխատանքից ուշանալու դեպքերը, ու սթրեսային իրավիճակներ:
Բելգիայում խցանումների 80 %-ը բաժին է ընկնում Բրյուսելին ու դրա մերձակայքին: Առավոտյան ու երեկոյան խցանումներն այստեղ շարունակվում են 3-ական ժամ:
ՏՀԶԿ-ի տվյալով՝ ԵՄ քաղաքների թվում Բրյուսելը բնակչության մեկ հաշվին ընկած ավտոմոբիլային խցանումների երկարությամբ առաջին տեղն է զբաղեցնում: