1in.am-ը գրում է.

Արգենտինայի նախագահ Քրիստինա Ֆերնանդես դե Կիրշները ուրբաթ երեկոյան եղել է Ֆավալորո հոսպիտալում, որտեղ նա կանցնի գլխի ստուգողական համակարգչային տոմոգրաֆիա՝ 1 ամիս առաջ տարած գանգուղեղի հեմատոմայի հեռացման վիրահատությունից հետո: Դրանից հետո բժիշկները կհրապարակեն հերթական պաշտոնական հաղորդագրությունը: Այս մասին հաղորդում է Ria Novosti-ն՝ վկայակոչելով հոսպիտալի մամլո ծառայությանը:

Նախագահը հոսպիտալ է գնացել Բուենոս Այրեսի մոտ գտնվող «Կինտա-դե-Օլիվոս» նստավայրից: Սպասվում է, որ շաբաթ օրը առավոտյան բժիշկները կհրապարակեն հերթական տեղեկությունը նախագահի առողջության մասին, որից հետո Կիրշներին դուրս կգրեն:

Նախագահն իր աշխատանքին կվերադառնա աստիճանաբար: Սկզբում նա կաշխատի կառավարության պալատի իր աշխատասենյակում և իր նստավայրում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել