1in.am-ը գրում է.

Անհայտ անձինք Կալիֆոռնիայում 400 հազար դոլար ընդհանուր արժեքով 63.5 տոննա հունական ընկույզ են գողացել: Այս մասին հայտնում է AP գործակալությունը:

Գողությունը կատարվել է դեռևս նոյեմբերի 3-ին՝ Էսկալոն քաղաքի պահեստներից մեկում: Անցած ամիս նահանգում համանման դեպք էր տեղի ունեցել, երբ մայրուղում կայանած թրեյլերից 4.5 տոննա հունական ընկույզ էին գողացել: 

Իշխանությունների կարծիքով՝ գողերին ոգեշնչել է ընկուզեղենի արժեքի զգալի բարձրացումը՝ փոխանցում է RIA Novosti-ն:

Հունական ընկույզը մեծությամբ 4-րդ արտահանվող գյուղատնտեսական արտադրանքն է Կալիֆոռնիայում: Հունական ընկույցի արտադրության համաշխարհային առաջատարը Չինաստանն է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել