Առավոտյան նախաճաշ. կաթնաշոռով նրբաբլիթներ

Բաղադրությունը

Բլիթի համար

ալյուր -100 գրամ

ձու -4 հատ

աղ -2,5 գրամ

շաքարավազ -30-70 գրամ

կաթ- 200 մլ

սերուցք -100 մլ

կարագ -20 գրամ

գարեջուր -2 թեյի գդալ

Միջուկի համար

կաթնաշոռ -450 գրամ

շաքարի փոշի -50 գրամ

չամիչ -50 գրամ

Պատրաստման եղանակը

Հարում ենք ձուն (դրանք պետք է սենյակային ջերմաստիճանի լինեն):

Ավելացնում ալյուրը, շաքարավազը և աղը:

Հալեցնում ենք կարագը և մի կողմ դնում

Իրար ենք խառնում կաթն ու սերուցքը և դանդաղ լցնում ձվի խառնուրդի վրա:

Ավելացնում ենք հալեցրած կարագը

Հետո ավելացնում ենք 2 գդալ գարեջուրը (ով չի սիրում գարեջուր, հանգիստ կարող եք նաև չավելացնել)

Այդ ընթացքում պատրաստում ենք միջուկը` իրար ենք խառնում կաթնաշոռը, շաքարի փոշին ու չամիչը

Տաքացնում ենք թավան, հալեցնում մի քիչ կարագ և պատրաստում բլիթները

Բարի ախորժակ