Տեսեք` ինչ է կատարվում: Երևանի քաղաքապետարանի ՀՀԿ ավագանու անդամ Մարտին Վարդազարյանը (էս դեպքում ոչինչ, բացի չինովնիկը) ասում է հետևյալը.

«Մսի գինը 3 անգամ է բարձրացել, պանրի գինը` երկու անգամ, կաթի ու ձվի գները կրկնակի աճել են, իսկ տրանսպորտի 100 դրամ սակագինը միակ սակագինն է, որը չի փոփոխվել 1994 թվականից հետո»:

Այսինքն , Վարդազարյանն ասում է, որ տրանսպորտի գնի դեմ պայքարելու փոխարեն պայքարեք մնացած բնագավառներում թանկացումների դեմ:

Տարոն Մարգարյանը սեփական օգտագործման արվեստագետների միջոցով փորձում է կռիվ գցել հասարակության և օլիգարխիայի մեջ:

Տարոն Մարգարյանը երբեք չի ասել, որ այլ բնագավառներում ևս կան թանկացումներ, սակայն նրա ենթակա մարդիկ դա ասում են:

Մարտին Վարդազարյանին կուզեմ ասել, որ ի տարբերություն մսի, ձևի, կարագի ու յուղի, որոնք բնականաբար թանկացել են, տրանսպորտը պետության հոգածության տակ է:

Այդ նույն օլիգարխները, որոնք առանց որևէ արգելքի կարողանում են թանկացնել միսն ու ձուն, նրանք ցանկանում են հիմա էլ թանկացնել տրանսպորտը:

Մարտին Վարդազարյան, միթե դուք չեք իմանում, որ այդ տրանսպորտի գծերը այն նույն օլիգարխներինն է, որոնք թանկացնում են պարենը:

ՀԳ. Փոխանցեք ձեր ղեկավարին, որ արդեն իսկ կազմված հետազոտություն գոյություն ունի, որ տրանսպորտի թանկացումը լցնելու է հասարակության բաժակն ու հանգեցնելու է սոցիալական հեղափոխության:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել