Pastinfo.am-ը գրում է.
Նոյեմբերի 2-ին` երեկոյան, կայազորային կլինիկական հոսպիտալից փախուստի դիմած չորս զինծառայողներին մեղադրանք չի առաջադրվել: Այդ մասին «Փաստինֆո»-ի թղթակցի հետ զրույցում ասաց ՀՀ ՊՆ քննչական ծառայության ավագ սպա Մերի Սարգսյանը հավելելով, որ դեռ նյութեր են նախապատրաստվում: Նշենք նաև, որ ՀՀ ՊՆ մամլո խոսնակ Արծրուն Հովհաննիսյանը մեզ հետ զրույցում նշել էր, որ չի կարծում, թե փախուստի դիմած զինծառայողները քրեական պատասխանատվության կենթարկվեն: Հիշեցնենք, որ վերընշված օրը կայազորային կլինիկական հոսպիտալից երկու զինվորներ, որոնք գտնվել են ստացիոնար բուժման մեջ, վիճաբանություն են սկսել նույն բաժանմունքի զինվորների հետ, որը վերաճել է ծեծկռտուքի: Նրանք հարձակվել էին նաև հերթապահ բժշկի վրա, այնուհետև՝ դիմել փախուստի, որից հետո ևս երկու զինծառայող դիմել էին փախուստի: Ինչպես ավելի վաղ տեղեկացրել էինք, չորս զինծառայողներն էլ ետ են վերադարձվել, նրանք հոգեբուժական բաժանմունքից են եղել: