1in.am-ը գրում է.

Պակիստանի ՆԳ նախարար Չոուդրի Նիսար Ալի Խանն ԱՄՆ-ին մեղադրել է պակիստանյան «Թալիբան» շարժման հետ խաղաղ բանակցությունները տապալելու մեջ: Դրանց մեկնարկի մասին հայտարարվել էր հոկտեմբերի 31-ին: Այս մասին հաղորդում է ITAR-TASS-ը:

Նրա խոսքերով՝ ԱՄՆ ռազմաօդային ուժերի անօդաչուն նոյեմբերի 1-ին հարված է հասցրել, ինչի հետևանքով զոհվել է տեղի թալիբների առաջնորդ Հակիմուլա Մեհսուդը: Ահաբեկչական կազմակերպությունը հաստատել է իր առաջնորդի զոհվելու մասին լուրերը:

Նախարարն ընդգծել է, որ դրա հետ կապված՝ ԱՄՆ-ի և Պակիստանի միջև համագործակցության «բոլոր ոլորտները» կվերանայվեն:

Բացի այդ, Պակիստանում ԱՄՆ-ի դեսպանին կանչել են արտաքին գործերի նախարարություն, որտեղ նրան բողոքի նոտա են հանձնել այդ ավիահարվածի կապակցությամբ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել