Tert.am-ը գրում է.
Մարդու իրավունքների պաշտպանի առաջարկը՝ «մաքրել Կոմայգին այլասերվածությունից՝ տրանսվեստիտներից», չի կարող ուղղված լինել Երևանի քաղաքապետարանին, այլ միայն Ոստիկանությանը:
Այս մասին Tert.am-ին ասաց Երևանի քաղաքապետարանի Հասարակայնության հետ կապերի վարչության պետ Արթուր Գևորգյանը՝ նշելով, որ տարածքից տրանսվեստիտների դուրսբերումը Երևանի քաղաքապետարանի իրավասությունների մեջ չէ:
«Զուտ հենց այգու հետ կապված քաղաքային՝ իշխանության համայնքային լիազորությունների շրջանակը այգին բարեկարգ, մաքուր, պատշաճ տեսքը պահելն է: Եվ ասեմ, որ հենց Կոմայգու հետ կապված առաջիկայում մասնավորի հետ միասին նախատեսվում է վերականգնման ծրագիր, որ այգին բերվի ավելի լիարժեք տեսքի, կարողա ծառայել իր նպատակին: Մնացածի մասով, որ ասում էր Պաշտպանը, արդեն իսկ ճիշտ նշել է մյուս հասցեատիրոջը՝ Ոստիկանությանը»,- ասաց Արթուր Գևորգյանը:
Ինչպես նշել էր «Ժողովուրդ» օրաթերթն իր այսօրվա համարում՝ ՄԻՊ Կարեն Անդրեասյանն ասել էր. «Եթե այնտեղ շարունակվի ամենաթողությունը, դուք մեզնից կլսեք հետևողական պահանջը՝ մաքրել այգին այլասերվածությունից»:
Ամբողջական հոդվածը կարող եք կարդալ այստեղ