1in.am-ը գրում է.

Կանադայի Տորոնտո քաղաքի քաղաքապետ Ռոբ Ֆորդը աշխատանքից հրաժարականի պատճառ չի տեսնում՝ կապված սկանդալային տեսագրության հետ, որում քաղաքապետը թմրանյութեր է օգտագործում: Այս մասին գրում է Associated Press-ը:

Ֆորդն ինքը երկար ժամանակ հերքում էր նման տեսագրության գոյությունը:

«Ես աշխատանքից ազատվելու պատճառներ չունեմ»,- ժպտալով ասել է Ֆորդը լրագրողներին: Այս կարճ մեկնաբանությունից հետո նա ասել է, որ պետք է աշխատասենյակ վերադառնա՝ հեռախոսազանգերին պատասխանելու:

Տորոնտոյի ոստիկանապետը ևս խոստովանել է, որ թվայնացված տեսագրության առկայությունը Ֆորդին մեղադրանք ներկայացնելու հիմք չէ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել