Panorama.am-ը գրում է.
«Իշխանությունների վերջին երկու նախաձեռնությունները` հայ-թուրքական արձանագրություններն ու ԵՄ Ասոցացման համաձայնագիրը ձախողվեցին, կլինի՞, որ այսուհետ այլևս ոչինչ չձեռնարկեք»,- դիմելով փոխարտգործնախարար Շավարշ Քոչարյանին` ասաց ՀԱԿ խմբակցության ղեկավար Լևոն Զուրաբյանը: Նշենք, որ խորհրդարանը քննարկում է 2014 թ-ի պետական բյուջեի արտաքին քաղաքականության սեկտորը և հենց այդ քննարկման ժամանակ էլ հնչեց հարցը:
Շավարշ Քոչարյանն էլ այլ կողմից մոտեցավ հարցին` նշելով, որ առ այսօր իշխանություններն ասում են, որ հայ-թուրքական արձանագրությունների վավերացումը կլինի միայն առանց նախապայմանների:
«Ֆուտբոլային դիվանագիտությունն ավարտվեց , գնդակն էլ մնաց Թուրքիայի դաշտում: Թուրքիան ինքն է փորձում էր ցույց տալ, թե ինչ-որ գործընթացներ կան և այլն, բայց դա այդպես չէ և չի համապատասխանում իրականությանը»,- նշեց պաշտոնյան:
Ամբողջական հոդվածը կարող եք կարդալ այստեղ