1in.am-ը գրում է.
Այսօր Իտալիայի սննդարդյունաբերության աշխատակիցները խոստացել են գործադուլ անել: Զբոսաշրջիկների ու հասարակ քաղաքացիների շրջանում մեծ է սոված մնալու հավանականությունը, քանի որ նրանք սովոր են սնվել փոքր սրճարաններում և ռեստորաններում:
Ինչպես սպասվում է, գործադուլը կարող է կաթվածահար անել 960 հազար ռեստորանների, սրճարանների ու բարերի աշխատանքը: Խոհարարների, բարմենների ու մատուցողների դժգոհության պատճառը զբոսաշրջության մասին նոր օրենքի ձախողումն է: Այն պետք է երաշխիքներ ապահովեր հասարակական սննդի աշխատակիցների համար:
Իտալացի ռեստորանատերերի ասոցիացիան, որն ունի ավելի քան 300 հազար անդամ, կոչ է անում փոխել ռեստորանների ու սրճարանների աշխատակիցների աշխատանքային պայմանագրերը:
Վերջիններս դժգոհ են ավանդական տարեկան 14-րդ աշխատավարձից իտալացի մատուցողներին զրկելու առաջարկից: