Ինչ սիրավեպեր են վերագրում «Մերժվածի» Իչային իրական կյանքում

Բոլիվուդի հայտնի դերասանուհի Թինա Դատան այժմ նաև Հայաստանում է հայտնի։ Նա մեծ ճանաչում է ստացել «Մերժվածը» հեռուստասերիալում Իչայի դերը մարմնավորելու շնորհիվ։ Հեռուստասերիալի ավարտից հետո էլ Թինան շարունակում է ակտիվ գործունեություն ծավալել։ Թինան նկարահանվում է հնդկական ռեալիթի շոուներում և ճանապարհորդում։

 

Հաճախ քննարկման առարկա է դառնում Թինայի անձնական կյանքը։ Նրա կողքին որևէ տղամարդու հայտնվելը լայն քննարկման է արժ–ժանանում։Իրեն վերագրված սիրավեպերի առումով Թինան ամենաքննարկված աստղերից մեկն է Բոլիվուդում։ 

 

Ijustlovemovies-ը գրում է, որ Թինայի կարիերայի սկզբում շշուկներ էին պտտվում, որ նա ամուսնացել է Մահաշ Կումար Ջայվալի հետ, ով Koi Aane Ko Hai հեռուստասերիալի պրոդյուսերն էր։ Թինան հերքել է այդ շշուկներն ու նշել, որ իր համար տհաճ են նման խոսակցությունները, սակայն լրատվամիջոցները համառորեն գրում են, որ նրանք ուղղակի միասին չեն եղել, ապրել են իրար հետ։

 

«Ես բողոքում էի ու ցանկանում էի, որ այդ խոսակցություններն ավարտվեն, սակայն հետագայում հասկացա, որ դրանցից խուսափելն անհնար է։ Ես պարզապես հաշտվեցի այդ լուրերի հետ»,- ասել է Թինան։