Tert.am-ը գրում է.
Զվարթնոց օդանավակայանում օլիմպիական չեմպիոններին դիմավորեցին դափնեպսակներով, ծափահարություններով ու շքեղ հրավառությամբ: Օլիմպիականներին դիմավորելու էին եկել նաև ՀՀ վարչապետ Հովիկ Աբրահամյանը, ՀԱՕԿ նախագահ Գագիկ Ծառուկյանը և Սպրտի և երիտասարդության հարցերի նախարար Գաբրիել Ղազարյանը: Հարյուրավոր քաղաքացիներ օլիմպիական չեմպիոններին ուղեկցեցին դեպի նրանց համար նախատեսված ավտոբուսը, իսկ բազմաթիվ քաղաքացիներ մոտենում էին Միհրան Հարությունյանին, ողջունում և քաջալերում, ասելով, որ ինքը օլիմպիական բացարձակ չեմպիոն է:
Tert.am-ի հարցին, թե ինչպես է Միհրան Հարությունյանի տրամադրությունը, օլիմպիական արծաթե մեդալակիրը պատասխանեց. «Տրամադրությունս շատ լավ է», և խոստացավ այլ հարցերի պատասխաններ տալ ավելի ուշ:
Օլիմպիականներին դիմավորելու էին եկել նաև զինվորներ, տարբեր մարզադպրոցների սաներ և քաղաքապետարանի աշխատակիցներ: Գյումրիից ժամանած Գևորգը Tert.am-ի հետ զրույցում ասաց, որ Գյումրին այսուհետ աշխարհին ներկայանալու է մարզական «խորհրդանիշով» ՝ Արթուր Ալեքսանյանով, իսկ իրենք այսօր Զվարթնոցում դիմավորում են չորս չեմպիոնների:
Ամբողջական հոդվածը կարող եք կարդալ այստեղ