Լիբիայի նախկին վարչապետ Մահմուդ Ջիբրիլը CNN հեռուստաալիքի եթերում մտավախություն է հայտնել, որ ԴԱԻՇ-ի ահաբեկիչների դեմ պայքարը կարող է տեղի ունենալ Լիբիայի մայրաքաղաք Տրիպոլիում, հայտնում է RIA Novosti-ն:
«Իմ անձնական գիշերային մղձավանջը կայանում է նրանում, որ ԴԱԻՇ-ի դեմ իսկական պայքարը տեղի կունենա հենց Տրիպոլիում: Եվ դա Տրիպոլիում ապրող բոլոր մարդկանց համար կլինի մղձավանջ»,- հայտարարել է Ջիբրիլը: Նա նշել է, որ ԴԱԻՇ-ի մեծ թվով զինյալներ գտնվում են Լիբիայում և սպառնալիք են ներկայացնում երկրի համար:
Ջիբրիլի խոսքերով` ահաբեկչության դեմ արդյունավետ պայքարելու համար Լիբիային անհրաժեշտ է ազգային բանակ: Նա նաև նշել է, որ ահաբեկչության դեմ պայքարի համար անհրաժեշտ է միավորել երկրի բոլոր զինված ուժերը, որը հանդիսանում է միջազգային հանրության պարտականությունը:
Նախկին վարչապետի խոսքերով` երկրի նոր կառավարությունը ստեղծվել է առանց Լիբիայի ռազմական միավորումների և քաղաքական գործիչների մասնակցության: