«Հարթակ» թերթը զրուցել է հայտնի ու սիրված երգչուհի, «Հայաստանի ձայնը» շոուի մարզիչ Սոնայի հետ:
-Սոնա, Bad Boys Blue խմբի մենակատար Քեվին Մաքկոյի հետ Do What You Do երգի տեսահոլավակը ջերմությամբ ընդունվեց հայ հանդիսատեսի կողմից: Կեվինը Ձեզ անվանեց աշխարահահռչակ ու հզոր ձայնով Սոնա: Իսկ ի՞նչ տվեց Ձեզ այդ համագործակցությունը:
-Շատ ուրախ եմ ու երջա նիկ, որ Քեվինի հետ մեր զու գեր գը կա յա ցավ: Մենք բազմաթիվ դրա կան արձագանքներ ենք ստանում: Քեվին Մաքկոյի պրոդյուսերը՝ Իգոր Սենգերը, առաջարկեց «DO WHAT YOU DO» երգի դեմո տարբերա կը: Այն դիսկո ոճի մեջ էր: Այդ ոճում երգելն ինձ համար էքսպերեմենտ էր, առաջին անգամ էր ու ես քաջություն ունեցա ընտրել հենց այդ կատարու մը: Շատ շնորհակալ եմ Հայկոյին, ում ձայնագրության ստուդիայում ձայնագրեցի ձայնս և ուղարկեցի Գերմանիա: Չէի կարող անձամբ գնալ, որովհետև «Հայաստանի ձայնը» շոուն ընթացքի մեջ էր, ես էլ մարզիչներից մեկն էի: Տպավորված եմ Քեվինով, նա շատ տաղանդավոր, պրոֆեսիոնալ երաժիշտ է, նաև կոմպոզիտոր: Եվ որ անչափ կարևոր է ինձ համար՝ նա հզոր էներգետիկա ու նի: Այս միասնական աշխատանքը նոր թափով ստեղծագործելու ուժ տվեց ինձ:
-Այս օրերին, երբ մեր երկիրը խռովություն է ապրում՝ կապված Գյումրիի ողբերգական դեպքերի հետ, ի՞նչ եք զգում Դուք:
-Ես ողբում եմ անմեղ զոհերի համար: Մեր ժողովուրդը, մանավանդ գյումրեցիները, ովքեր ինձ համար շատ թանկ մարդիկ են, ապրում են ծանր ժամանակներ: 21-րդ դարն է, բայց, ցավոք սրտի, նախանձը, իշխանամոլությու նը, փողը ինչ պես եղել, այդպես էլ շարունակում են մնալ ամենամեծ մեղքերից, որոնք ավերել և ոտնակոխ են
արել ամեն ինչ իրենց ճանապարհին: Երևի շատերին դուր չի գալիս, որ Ռուսաստանն ու Հայաստանը եղել ու շարունակում են մնալ բարեկամական ու իրար հասկացող երկրներ: Մեր ժողովուրդներին միացնում է ընդհանուր պատմութ յու նը: Այդ պես եղել է, այդպես կա. Հուսով եմ, որ այդպես կլինի միշտ: Հազար ափսոս, որ քաղաքականացված, փառամոլ, ոչ առողջ մարդկանց պատճառով զոհվում են անմեղ մարդիկ ամբողջ աշխարհում, մանավանդ՝ անմեղ փոքրիկներ: Ուզում եմ հավատալ, որ մեր ժողովուրդն իմաստուն կգտնվի, իսկ այս ոճրագործության պատճառ հանդիսացող ճշմարտությունն էլ անպայման կբացահայտվի: Մեղավորները կդատվեն ինչ պես մարդկային, այնպես էլ Աստծո դատաստանով: Իսկ մենք՝ ժողովուրդներս,պետք է լինենք միասին՝ ուրախության և ցավի պահին:
-Կարո՞ղ է այս ողբերգությունը սեպ խրել հայ-ռուսական հարաբերությունների մեջ: Եթե Ձեր ռուսազգի կոլեգաները հանկարծ փորձեն Ձեր ներկայությամբ արդարացնել ոճրագործին, ինչպիսի՞ն կլինի Ձեր ռեակցիան:
-Իմ ռուսազգի կոլեգաները սգում ու դատապարտում են այս ոճրագործությունը:Համենայն դեպս, ճանաչելով ինձ և իմանալով, որ ես շատ էմոցիոնալ մարդ եմ և արդարությունն է իմ դեվիզը, չեմ կարծում, որ կլինի մե կը, ով կարող է արդարացնել այդ մարդասպանին կամ թե սխալ արտահայտվել այս ամենի վերաբերյալ: Ամեն ազգի մեջ էլ կան մեծատառով մարդիկ և նրանք ով քեր ի րավունք չունեն մարդ կոչվելու: Մարդկանց պետք են մարդիկ:
…-Ինչպե՞ս եք նայում այն փաստին, որ արվեստագետ Շուշան Պետրոսյանը պատգամավոր է: Եթե Դուք շանս ունենայիք, կդառնայի՞ք պատգամավոր:
-Ոչ մի վատ բան չեմ տեսնում, որ Շուշան Պետրոսյանը պատգամավոր է: Դա հեշտ գործ չէ: Կարևորը՝ գոհ լինեն մարդիկ, ժողովուրդը, ովքեր ընտրել են նրան: Ժողովրդի ընտրյալ լինելը մեծ պատասխանատվություն է, որը պետք է արդարացնել:Ինչ վերաբերում է ինձ՝ երբեք չեմ մտածել այդ մասին: Ինձ համար կարևոր չէ լինել պատգամավոր, թե ոչ, ինձ համար կարևոր է ապրել հանուն սիրո և առողջ գաղափարի:
