Tert.am-ը գրում է․
Հռոմի Ֆրանցիսկոս պապը մուսուլմանական երկիր կատարած հազվադեպ այցի առաջին օրը Թուրքիայի առաջնորդների հետ հանդիպումներում կոչ է արել կրոնական հանդուրժողականություն ցուցաբերել և երկխոսություն սկսել` հակահարված տալու ծայրահեղականությանը Միջին Արևելքում:
Ինչպես փոխանցում է CNN-ը` ելույթ ունենալով Անկարայում՝ Թուրքիայի նախագահ Ռեջեփ Թայիփ Էրդողանի հետ` Ֆրանցիսկոս պապը բոլոր դավանանքների մարդկանց կոչ է արել հարգանք ցուցաբերել մարդկային կյանքի, արժանապատվության և կրոնական ազատության հանդեպ:
«Մոլեռանդությունն ու արմատականությունը, ինչպես նաև՝ անխոհեմ մտավախությունները, որոնք նպաստում են թյուրըմբռնմանը և խտրականությանը, պետք է հակադարձվեն բոլոր հավատացյալների աջակցությամբ և միասնությամբ», - ասել է պապը:
«Ահաբեկչական բռնությունը թուլացման որևէ հեռանկար ցույց չի տալիս Իրաքում և Սիրիայում, որտեղ շարունակվում են քրիստոնյաների և եզդի փոքրամասնության հալածանքները: Հարյուր-հազարավոր մարդիկ ստիպված են եղել լքել իրենց տներն ու երկիրը` ապրելու և իրենց կրոնական հավատքին հավատարիմն մնալու համար», - հավելել է Ֆրանցիսկոսը:
Ամբողջական հոդվածը կարող եք կարդալ այստեղ