Խորեն Լևոնյանի որդին աշխատասեր և տաղանդավոր է մեծանում (ֆոտո)

Դերասանուհի Լիկա Մեսրոպյան-Լևոնյանի և Խորեն Լևոնյանի ընտանիքը ընդամենը վերջերս համալրվեց: Սեպտեմբերի 5-ին ծնվեց նրանց որդին՝ Արամը: Life.Panorama.am-ը կապ հաստատեց նորաթուխ մայրիկի հետ՝ իմանալու, թե ինչպե՞ս է իրեն զգում և արդյոք «գործնական առօրյան» այլևս արձակուրդում է. «Տղաս այսօր դարձել է մեկ ամսեկան 20 օրեկան: Ես աշխատող մարդ եմ և երեխայի ծննդյան 40-րդ օրից մայր ու որդի աշխատանքի ենք գնում: Արդեն իսկ որդուս աշխատասեր եմ մեծացնում (ծիծաղում է): Ճիշտ է, աշխատանքային ժամերս կրճատել եմ, բայց ամբողջովին չեմ հրաժարվել: Օրվա մեջ մոտավորապես 3-4 ժամ եմ աշխատում, մնացած ժամանակը ընտանիքինս է»:

 

Դերասանուհին ֆիլմերում նկարահանվելու և էկրաններին երևալու մասին բոլորովին չի մտածում: Իր իսկ խոսքերով՝ պատրաստվում է ամբողջովին նվիրվել ընտանիքին, փոքրիկին և ոչ թե իր կարիերային. «Երեխան ամեն ինչ փոխեց իմ կյանքում: Բիզնեսը, բնականաբար, իմն է, և ես կարողանում եմ ժամանակս տնօրինել: Նկարահանումները շատ ժամանակ կխլեն ինձանից, իսկ ես ամեն վայրկյանն ափսոսում եմ, որ երեխայից հեռու լինեմ… Առայժմ չեմ կարողանում նրանից կտրվել, հետագայում՝ գուցե, չգիտեմ: Փոքրիկին անգամ դայակի մոտ չեմ կարողանում երկար թողնել, կարոտում եմ»: