Z1news.am-ը գրում է.
Ինձ միշտ հետաքրքրել է մի հարցի պատասխան. որտեղի՞ց Գագիկ Շամշյանին տեսանկարահանվող խաչմերուկների, ՃՈ մեքենաների տեսագրությունները:
Հայտնի «լրագրող», բոլոր սենսացիաների կենտրոնում ակնթարթորեն հայտնվող Շամշյանի կայքում միշտ հայտնվում են այնպիսի էքսկլյուզիվ տեսանյութեր, որոնք, առանց իրավապահ մարմիրնների տրամադրելու, անհնար է, որ հայտնվեն նրա մոտ: Այսպիսով, երկու օր է, ինչ համացանցում պտտվում է Երևանի խաչմերուկներից մեկում տեղի ունեցած վրաերթի տեսանյութը, որը նկարահանվել է «Սեքյուրիթի Դրիմ Սերվիս» ընկերության տեսախցիկով: Այդ տեսանյութն ինքնին քրեական գործի ապացույց է, և ինչպես վերջերս հայտարարել էր այդ ընկերության ներկայացուցիչը, այդպիսի տեսանյութերը հրապարակման ենթակա չեն, պատկանում են վթարի մասնակիցներին, իրենց ընկերությանը և Ոստիկանությանը:
Այդ դեպքում ինչպե՞ս են այդ և նման այլ բազմաթիվ տեսանյութեր հայտնվում հենց Շամշյանի, այլ ոչ թե ուրիշ լրագրողի ձեռքում:
Իմ կարծիքով պատասխանը շատ խորը թաքնված չէ, ուղղակի պաշտոնական հաստատում չի ստացել:
Գագիկ Շամշյանը սպասարկում է ոստիկանությանը և հակառակը, այդ պատճառով էլ նա անձեռնամխելի է, ում հետ ոնց ուզում` խոսում է, ում ինչ անձնական վիրավորանք ասես` հասցնում է, ավելին`իր «երկար և կիսագրագետ» լեզուն հրամցնում է մեր հասարակությանը:
