ԱՄՆ նախագահ Ջո Բայդենը Իրանին կոչ է արել ձեռնպահ մնալ Իսրայելի վրա հարձակումից: Նա չի բացառել, որ դա կարող է տեղի ունենալ շատ մոտ ապագայում:
«Միացյալ Նահանգներն աջակցում է Իսրայելին, մենք կօգնենք նրան պաշտպանվել, Իրանը չի հաջողի»,- ասել է Բայդենը։
Մերձավոր Արևելքում իրավիճակն ավելի է սրվել, հատկապես երբ Թեհրանը խոստացել է արձագանքել Սիրիայում Իրանի հյուպատոսությանը Իսրայելի հարվածին:
Մի շարք լրատվամիջոցների տվյալով՝ Իրանը նաև զգուշացրել է Միացյալ Նահանգների վարչակազմին, որ եթե Վաշինգտոնը փորձի միջամտել Իրան-Իսրայել հնարավոր առճակատմանը, ապա տարածաշրջանում տեղակայված ամերիկյան զորքերը ևս թիրախում կհայտնվեն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել