Tert.am-ը գրում է.
Ինձ, որ առաջին մեղադրանք էին առաջադրում, իմ քաղաքական գործունեությամբ պայմանավորված, չբացակայելու խափանման միջոց ստորագրեցի և հետո չկարողացա միջազգային ասպարեզում հանդես գալ:
Այս մասին իր դատական նիստի ժամանակ հայտնեց ՀՀԿ փոխնախագահ Արմեն Աշոտյանը:
«Այդ մեղադրանքն իշխանությունների կողմից ինձ դեղին քարտ էր, որ «խելոք մնամ», ես այդ դեղին քարտը չընդունեցի: Քաղաքական իմաստով լակոնիկ էի՝ չտեսա կամ չտեսնելու տվեցի, ինձ կարևոր չէր՝ ինչ են ինձ ցույց տալիս այն վիճակում, երբ երկիրն այդ վիճակում էր: Ես քաղաքական բանտարկյալ եմ և դա ՀՀ հասարակության գնահատականն է ըստ սոց.հետազոտությունների, միջազգային քաղաքական մարմինների գնահատականն է: Իշխանությունը պարտվել է մարդկանց սրտի, հոգիների և մտքի մասով իմ կռիվը: Իշխանությունը պարտվել է, չեն կարողացել ստեղծել տպավորություն, որ Աշոտյանը թալանչի է»,- նշեց նա:
Աշոտյանը դիմեց դատավորին և ասաց, որ հանի այդ պիտակը մեր երկրի վրայից, օգնեք, որ այդ պիտակը դուրս գա: Քաղբանտարկյալների հարցով դատավորները պետք է մի քիչ քթածակ ունենան՝ երկրի իմիջի հարցն է:
Ամբողջական հոդվածը կարող եք կարդալ այստեղ:
