Ecolur.org-ը գրում է.
ՀՀ բնապահպանության նախարար Արամ Հարությունյանի հրամանով օգոստոսի 22-ից թույլատրվում է սիրողական որսորդությունը: Այս մասին տեղեկացնում է ՀՀ բնապահպանության նախարարության տեղեկատվության և հասարակայնության հետ կապերի վարչությունը: Որսի ցանկում ընդգրկված են 12 տեսակի թռչյուններ և կաթնասուններ` լոր, աղավնիներ, քարակաքավ, կտցարազգիներ, արտույտներ, սարյակ, կեռնեխներ, ջրլող թռչյուններ, վայրի խոզ, գորշուկ, նապաստակ, աղվես:
2013-2014 թվականների որսաշրջանի ընթացքում վերոնշյալ կենդանատեսակների համար որսի թույլտվություն ունեցող անձանց չի արգելվում իրականացնել մոխրագույն ագռավի, կաչաղակի, գայլի և շնագայլի որս:
Յուրաքանչյուր որսատեսակի համար նախատեսված է հետևյալ քանակությունը և ժամանակահատվածը`
1) լոր – մինչև 60000 հատ, 2013 թվականի օգոստոսի 24-ից հոկտեմբերի 31-ը (10 հատից ոչ ավելի յուրաքանչյուր որսի ժամանակ),
2) աղավնիներ (թխակապույտ և անտառային, սովորական տատրակ) – մինչև 10000 հատ, 2013 թվականի օգոստոսի 24-ից 2014 թվականի հունվարի 31-ը (5 հատից ոչ ավելի յուրաքանչյուր որսի ժամանակ),
3) քարակաքավ – մինչև 3000 հատ, 2013 թվականի նոյեմբերի 1-ից դեկտեմբերի 31-ը (5 հատից ոչ ավելի յուրաքանչյուր որսի ժամանակ),
4) կտցարազգիներ (բացառությամբ Հայաստանի Հանրապետության կենդանիների Կարմիր գրքում գրանցվածների)– մինչև 2500 հատ, 2013 թվականի օգոստոսի 24-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ),
5) արտույտներ (դաշտային, տափաստանային) – մինչև 2500 հատ, 2013 թվականի օգոստոսի 24-ից հոկտեմբերի 31-ը (5 հատից ոչ ավելի յուրաքանչյուր որսի ժամանակ),
6) սարյակ (սովորական) – մինչև 3000 հատ, 2013 թվականի օգոստոսի 24-ից հոկտեմբերի 31-ը (10 հատից ոչ ավելի յուրաքանչյուր որսի ժամանակ),
7) կեռնեխներ (սև կեռնեխ, սինակեռնեխ) – մինչև 2500 հատ, 2013 թվականի օգոստոսի 24-ից դեկտեմբերի 31-ը (10 հատից ոչ ավելի յուրաքանչյուր որսի ժամանակ),
8) ջրլող թռչուններ` բադեր (կռնչան բադ, կարմրագլուխ սուզաբադ, սուլող և ճքճքան մրտիմներ) և ջրհովվիկներ (փառփար, եղեգնահավ) – մինչև 10000 հատ 2013 թվականի սեպտեմբերի 15-ից 2014 թվականի փետրվարի 28-ը (2 հատ բադ և 2 հատ ջրհովվիկից ոչ ավելի յուրաքանչյուր որսի ժամանակ),
9) վայրի խոզ - մինչև 30 հատ, 2013 թվականի հոկտեմբերի 1-ից 2014 թվականի հունվարի 31-ը (1 հատից ոչ ավելի յուրաքանչյուր որսի ժամանակ),
10) Գորշուկ – մինչև 10 հատ 2013 թվականի սեմպտեմբերի 15-ից մինչև նոյեմբերի 15-ը (1 հատից ոչ ավելի յուրաքանչյուր որսի ժամանակ),
11) նապաստակ – մինչև 500 հատ, 2013 թվականի նոյեմբերի 1-ից 2014 թվականի հունվարի 31-ը (2 հատից ոչ ավելի յուրաքանչյուր որսի ժամանակ),
12) աղվես – մինչև 500 հատ, 2013 թվականի նոյեմբերի 1-ից 2014 թվականի հունվարի 31-ը (2 հատից ոչ ավելի յուրաքանչյուր որսի ժամանակ):
