ԱՄՆ-ն չեղարկում է Թայվանի հետ պաշտոնական շփումները կարգավորող սահմանափակումները: Այս մասին հայտարարել է ԱՄՆ պետքարտուղար Մայք Պոմպեոն:
Նա նշել է, որ Թայբեյի հետ «բարդ ներքին սահմանափակումները» սահմանվել էին՝ «Պեկինում կոմունիստական ռեժիմը հանդարտացնելու համար»:
Ըստ էության, այդ հայտարարությունը կարող է խորհրդանշական դառնալ, սակայն, այնուամենայնիվ, այն կարող է առաջացնել Չինաստանի վրդովմունքը:
Թայվանի կառավարությունը ողջունել է այդ քայլը՝ հայտարարելով, որ խտրականությունը վերացված է: Այս մասին հայտարարել է ԱՄՆ-ում Թայվանի բանագնաց Սյաո Բի-հիմը:
Արտաքին գործերի նախարար Ջոզեֆ Վուն հայտնել է, որ երախտապարտ է Պոմպեոյին սահմանափակումները վերացնելու համար:
Պարզ չէ, թե ինչ փոփոխության կհանգեցնի այդ հայտարարությունը գործնականում, սակայն Պոմպեոն հայտարարել է, որ Թայվանի գործադիր իշխանության հետ կապը կիրականացնի Թայվանի Ամերիկյան ինստիտուտը (AIT), որը պատկանում է ԱՄՆ կառավարությանն ու ծառայում է որպես փաստացի դեսպանատուն:
