Արտագաղթի հիմնական պատճառներն արդարության դեֆիցիտն ու հոգևոր նահանջն է։ Խնդիրը ոչ այնքան տնտեսական է, որքան բարոյական։ Այսօր հրավիրված մամուլի ասուլիսում այսպիսի կարծիք հայտնեց ՀՀԿ պատգամավոր Խոսրով Հարությունյանը:
Անդրադառնալով գազի սակագնի բարձրացմանը` նկատեց.«Գազի սակագնի բարձրացումը, անկախ մեր կամքից, պահանջելու է տնտեսական քաղաքականության մեջ որոշակի փոփոխություններ, ընդ որում, դրանք պետք է ուղղված լինեն սոցիալական լարվածությունը թուլացնելուն»,-ավելացնելով, որ լարվածության թուլացման քայլերից է նվազագույն աշխատավարձի բարձրացումը:
Ինչ վերաբերվում է այս տարվա կարկուտի հասցրած վնասին, Հարությունյանը տվեց իր գնահատականը. «Նախորդ տարիներին նման ծավալների կարկուտ չէր եղել և, բնականաբար, սա նույնպես իր ազդեցությունը թողնելու է գյուղատնտեսության ոլորտում առանձնահատուկ մոտեցումներ որդեգրելու հարցում»:
Պատգամավորը կարծում է, որ ցանկացած կառավարության հրաժարականը պահանջելու դեպքում քաղաքական գնահատականները պետք է հիմնավոր լինեն։ «Այն, որ ՎՊ հայտարարում է, որ բյուջեի 70 տոկոսը ռիսկային է, դա դեռևս հիմնավոր չէ։ Կառավարությունը չի հերքում, որ եղել են չարաշահումներ, բայց համատարած թալան իրականում գոյություն չունի։ Եթե կլինի քաղաքական գնահատականի իրավական հիմնավորումն, ապա, անկասկած, կառավարությունը պետք է հրաժարական տա։ Չեմ կարծում, որ նախագահը կասի՝ Տիգրան, էս ի՞նչ եք անում։ Նրա համար զարմանալի չեն այս բացահայտումները։ Նախագահն այս ամենի վերացման ուղղությամբ հետամուտ կլինի թեԲ վարչապետին, թե Բդատախազությանը։ Զարմանալի կլինի, եթե այդպես չլինի»,-եզրափակեց Խ. Հարությունյանը։
