Մամուլն արդեն անդրադարձել է, թե հայրենի ոստիկանությունը որքան գումար է փոխանցել կարկտից տուժած գյուղերին: Շուրջ 20 մլն դրամ: Ոստիկանապետը վստահեցրել էր, որ իրենց անձնակազմը հանգանակություն է արել, որպեսզի այդ գումարը արմավիրցիներին փոխանցվի:
Սակայն պարզվում է, դա այնքան էլ հանգանակություն չէ, այլ պարտադրանք: Որոշ շարքային ոստիկաններից irates.am-ը բողոքներ է ստացել, որ աշխատավարձից առանց իրենց գիտության 5 հազար դրամ պահում է արվել, հետո բացատրել են, թե ուր են այդ գումարներն ուղղվել: Երբ ոմանք ընդդիմացել են, սպառնացել են անգամ 10 հազար դրամ «հանգանակել»: Շարքային ոստիկանները պնդում են «Թող վերևները «հանգանակեն», աչքները մեր մի «թիքա» աշխատավարձի վրա է: Ամեն հարցում մեզ են «դեմ» տալիս»:
Այնպես որ, եթե մի բան է արվում, անգամ ազնիվ մղումներից դրդված, լավ է, որ համապատասխանի ասվածին, այսինքն եթե հանգանակություն է, թողեք «հանգանակեն» կամովին:
