ԶԼՄ-ների հաղորդմամբ` Ռուսաստանը 1 միլիարդ դոլար արժողությամբ զենք է վաճառել Ադրբեջանին…
Իհարկե, դա երկու անկախ պետությունների ինքնիշխան իրավունքն է՝ հաստատել հարաբերությունների այնպիսի մակարդակ, որը թույլ կտա նման մասշտաբի գործարք կնքելուն:
Նույն ԶԼՄ-ները հաղորդում են նաև, որ նույն Ռուսաստանը հայտ է ներկայացնում դառնալու «Հայռուսգազարդի» հարյուր տոկոսանոց բաժնետերը:  

Ռուսաստանը սեփականության իրավունքով Հայաստանում ունի նաև այլ ռազմավարական օբյեկտներ, որոնք ժամանակ առ ժամանակ որպես ճնշման գործիք օգտագործում է մեր երկրի վրա՝ իր այս կամ այն ստրատեգիական շահերը տարածաշրջանում ամրապնդելու և իր ազդեցությունն էլ ավելի մեծացնելու համար:
Այս ֆոնի վրա առաջին հայացքից իսկապես տրամաբանական չէ, որ մի երկիր, որը Հայաստանում գնալով ամրանում է, պնդանում, ավելին, իր ամրությամբ աստիճանաբար սպառնում Հայաստանի ինքնիշխանությանը, զենք է մատակարարում մի երկրի, որն իր թիվ մեկ թշնամին է համարում Հայաստանը, և ըստ ամենայնի, այդ զենքերը գնում է, որպեսզի իրեն հարմար ու ձեռնտու ժամանակ կրակի Հայաստանի ուղությամբ:
Իսկ գուցե լավ էլ տրամաբանակա՞ն է. իսկ ե՞րբ չեն վարվել այդպես նրանք…
Գիտեք, դա Ռուսաստանի իրավունքն է, նաև նախանձելի է, որ այդ պետությունը եզի համառությամբ պաշտպանում է իր աշխարհաքաղաքական շահերը…
Այլ հարց է, թե մենք ինչ ենք անում…գիտակցաբար՝ այլ ելք չորոնելով…
Գոնե ինձ համար մի բան պարզ է մեկընդմիշտ. ճիշտ պահին ռուսները կխաբեն մեզ այնպես, ինչպես ժամանակին խաբեցին աշխարհի մի շարք պետությունների…
Իսկ Դուք ասում եք, թե մենք ռազմավարական դաշնակիցներ ենք… Ադրբեջանի ականջը խուլ…

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել