ՌԴ Գլխավոր հետախուզության վարչության նախկին գնդապետ Սերգեյ Սկրիպալի դուստրը՝ Յուլիան, որը հոր հետ միասին թունավորվել էր բրիտանական Սոլսբերիում, չի ընդունել ՌԴ դեսպանատան օգնության առաջարկը:
«Մենք Յուլիա Սկրիպալին փոխանցել ենք ռուսական դեսպանատան հյուպատոսական օգնության մասին առաջարկը: Ներկա պահին նա կարող է որոշել` ընդունել այդ առաջարկը, թե ոչ և թե երբ դա կանի, սակայն ներկա պահին նա դա չի արել», - Reuters գործակալության փոխանցմամբ՝ ասել է բրիտանական արտաքին քաղաքականության գերատեսչության ներկայացուցիչը:
Ավելի վաղ հաղորդվում էր, որ Մեծ Բրիտանիայում Ռուսաստանի դեսպան Ալեքսանդր Յակովենկոն հայտարարել է, որ Ռուսաստանը խնդիրներ չունի Սկրիպալների հետ:
Հիշեցնենք, որ Սկրիպալները Մեծ Բրիտանիայում անհայտ տեսակի նյութով թունավորվել էին մարտի 4-ին:
Նյութի աղբյուր՝ http://operativ.am/?p=269451&l=am
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել